АМГ-ын дарга асан Д.Батхуягийг 2009, 2010 онуудад албаны эрх мэдэл буюу албан тушаалын байдлаа урвуулан ашиглаж, Ашигт малтмалын тухай хуулийн холбогдох заалтуудыг зөрчин, сонгон шалгаруулалтаар олгох ёстой нийт 108 ширхэг тусгай зөвшөөрлүүдийг бусдад сонгон шалгаруулалтгүйгээр олгож, төрийн байгууллагын /АМГазар/ хуулиар хамгаалагдсан эрх ашигт хүнд хор уршиг учруулсан хэмээн буруутгаж ялласан билээ.    Анхан шатны шүүхээс 6.6 жилийн хорих ял сонсож, давж заалдах шатны шүүхээс дөрвөн жил болон буурсан АМГ-ын дарга асан Д.Батхуягийг ШШГЕГ-ын харьяа Амгалангийн 421 дүгээр ангид хуваарилжээ. Уг анги нь байгууллагуудтай гэрээ хийж, хоригдлуудаар барилгын ажил хийлгэдэг билээ.