"Татар" хамтлагийн арван жилийн ой энэ онд тохиож буй юм. Ойн ажлын хүрээнд хамтлагийн залуус “Нөлөөллөөс дээгүүрт” хэмээх шинэ цомог гаргаж буй аж. Мөн цомгоор ч зогсохгүй "Нөлөөллөөс дээгүүрт" аян зохион байгуулахаар болсон байна. Уг аяныг архины эсрэг уриан дор хэрэгжүүлэх бөгөөд архины эсрэг залуусын оролцоог нэгтгэж, нийгэмд зөв хэвшил, хэрэглээ бий болгоход өөрсдийн уран бүтээлээ зориулах юм байна. Тиймээс ч тэд шинэ цомгоо 1000 төгрөгөөр борлуулж, орлогоо 100 хувь архины эсрэг байгууллагын үйл ажиллагаанд зориулахаар шийджээ.

Уг аян маргааш “Үндэсний соёл амралтын хүрээлэн”-д нээгдэх бол шинэ цомгийн баярын нээлтээ энэ сарын тавны өдөр хийхээр болжээ.