Наранд арьс түлэгдсэнээс болж түргэн хөгшрөх, хорт хавдар тусах магадлал өндөр байдаг. Тиймээс аяллаар явахдаа нарны хурц гэрлээс арьсаа хэрхэн хамгаалах, хамгаалалтын тосыг хэрхэн яаж зөв хэрэглэх зааврыг хүргэж байна.

ТОСОН ДЭЭРХ ТЭМДЭГЛЭГЭЭГ ЗӨВ ОЙЛГОХ

Арьсаа нарнаас хамгаалах хамгийн зөв арга бол зориулалтын тос хэрэглэх. Нарнаас хамгаалах тосон дээр SPF 8%, SPF15%, SPF 50% гэсэн тэмдэглэгээ байдаг. Энэ нь Sun Protection Factor /SPF/ буюу нарнаас хамгаалах хүчин зүйл юм. Энэ тоонууд ямар учиртайг дараах хүснэгтээс харна уу. SPF –ын тоо их байх тусам төдий чинээ удаан хугацаанд хамгаалах чадвартай гэсэн үг.Мөн зарим тосон дээр РА гэсэн тэмдэглээ бас байдгийг анхаарна уу.

  Монгол хүний хувьд хамгийн тохиромжтой нь SPF15%-30%, SPF/РА+ + 30% гэсэн тэмдэглэгээтэй нь зүгээр байдаг. Тосны зааварт бичсэн тооны хувь их байх тусам нүүрний арьсанд хортой гэдгийг санаж байхад илүүдэхгүй.

ТОСОО ХЭРХЭН ТҮРХЭХ ВЭ?
Хэрэв таны авсан тос SPF-15% байвал дөрвөн цаг тутамд түрхээрэй. Учир нь дулааны улиралд хүн их хөлөрдөг учир хамгаалалтын тос ууршиж алга болдог. Үдээс хойш 15-16 цагийн үед хүний бие ядарч сулардаг учраас энэ цагуудад нүүрээ угааж цэвэрлэсэн нь дээр. Тосоо сонгохдоо хадгалах хугацаа, нарнаас хэдэн цаг айхгүйгээр явж болохыг сайн лавлаарай. Нарнаас хамгаалах тос хэрэглэснээр нүүрний арьс яг өвлийнх шиг цагаан цайвар хэвээр байна гэж ойлгож болохгүй. Учир нь нарны хэт ягаан туяаны хор хүний нүүрний арьсанд харшил өгч, түлж, харлуулдаг. Тэгвэл хамгаалалтын тос ийм хордлогод өртөхгүй байлгах боломжтой. Мөн нүүрний арьс цэвэрхэн, өнгөлөг бор болдог.

Арьсны хэлбэр болон наранд хэр удаан байх хугацаанаас хамаараад тосны SPF-ын хэмжээг сонгож болно. Таны арьс эмзэг, цайвар байх тусам SPF өндөр байх шаардлагатай. Түүнчлэн тосоо хэр зэрэг олон удаа давтан түрхэх шаардлагатайг хүснэгтээс харж болно. Жишээ нь, та цагаан арьстай бол наранд 2 ба түүнээс дээш байвал SPF 15% бүхий тос сонгосон тохиолдолд энэхүү тос арьсыг тань 1-2 цагийн хугацаанд л хамгаална гэсэн үг. Тиймээс 2 цаг тутамд та тосоо давтан түрхэх шаардлагатай.

Нарны тос нь дангаараа 100% таны арьсыг хамгаалах боломжгүй бөгөөд дараах аргуудтай хослуулж хэрэглээрэй. - Нарны илч хурц байдаг 11.00 – 15.00 цагуудад аль болох сүүдэр газар байх

- Нарны малгай, шил хэрэглэх
- Шүхэр хэрэглэх
- Арьсанд хэрэгтэй тэжээллэг хоол хүнс хэрэглэх