Солонгос  улсын хорихоос оргосон хоригдол Хятадаар дамжиж өнгөрсөн сарын 31-нд манай улсын хилээр нэвтрэх гэж байгаад  Замын-Үүд боомт дээр баригдсан талаар бид мэдээлсэн. Түүнийг манай улсад нэвтрэхэд нь монгол жолооч тусалсан гэх албан бус мэдээлэл ч байгаа юм. Хоригдлыг баривчилж, жолоочийг нь саатуулаад байгаа юм байна. Тэгвэл БНСУ-ын хорих ангиас оргосон эл ялтан хэдэн сарын өмнө БНХАУ руу нэвтэрсэн байсан аж. Тус улсын цагаачлалын албаны цагдаа нар БНСУ-ын иргэний эрэн сурвалжилж байгаа гэсэн мэдээллийг ХХЕГ, ГИХАЭГ-т мэдэгдээд байсан байна. Харин яг энэ үеэр оргодол Дорноговь аймгийн Замын-Үүд дэх автозамын шалган нэвтрүүлэх боомтоор хил зөрчихийг завдаж байхад нь хилчид илрүүлжээ.