БНСУ-ын Элчин сайдын яамнаас хоёрдахь удаагаа "Солонгосын соёлын өдөр" арга хэмжээг Үндэсний соёл амралтын хүрээлэнд зохион байгуулахаар болжээ. Энэ жилийн "Солонгосын соёлын өдөр" арга хэмжээ нь маргааш "Монгол Солонгосын эв найрамдал" сэдвийн дор зохион байгуулагдах бөгөөд монгол иргэдэд Солонгосын соёлтой биечлэн танилцах боломжийг олгох юм. Энэ үеэр кимчи дарах, Бимбимбаб солонгос үндэсний хоолны үзүүлбэр зэрэг олон арга хэмжээ болох ажээ. Мөн Солонгосын "KBS" телевизээс зохион байгуулдаг "K POP World festival"-д Монголыг төлөөлөн оролцох оролцогчдыг сонгон шалгаруулах уралдаант тэмцээн болох юм байна.