Нацү башёд түрүүлснээр 25 дахь түрүүгээ авч, их аварга Асашёорюүгийн амжилттай эн зэрэгцээд буй их аварга Хакухо М.Даваажаргал өчигдөр УИХ-ын дарга З.Энхболдтой уулзсан билээ. Их аварга энэ үеэр өөрийгөө аль нэг намын гишүүн биш гэж тодорхойлоод "Их аварга, ард түмний бөх гэдэг утгаараа аль нэг урсгалд хамрагдахгүй. Аль аль намыг нь дэмжинэ. Гэхдээ хувь хүнийхээ хувьд АН-ын илүү дэмждэг. Тухайлбал өмнө нь арлын орон гэдэг асар хол байлаа. Одоо бол “ойрхон” болсон шүү дээ. Наанадаж гэхэд л энэ бүхэн ардчиллын үр шим. Тэр утгаараа би ардчиллыг дэмждэг" гэж хэлсэн юм.