Монголын Урлагийн Зөвлөлийн Соёл Урлагийн Залуу Манлайлал хөтөлбөрийн залуус Монгол Улсын Үндэсний Номын сангийн өмнөх талбайд 3D зураг зурж байгаа талаар бид өчигдөр мэдээлсэн. Эдгээр залуус нь өөрсдийн хичээлийн төслийн хүрээнд 3D зураг зурах санаачлагыг гаргаад зураачтайгаа холбогдсон байна.

Тус 3D зургийг Анкара хотын Хасе типпи их сургуулийн уран зургийн ангийг 2009 онд төгссөн Б.Ундрам гэх бүсгүй зурж буй юм. Тэрээр зургаа өчигдөр зурж эхэлсэн бөгөөд өнөөдөр 16.00 цагт дуусгахаар маш их эрч хүчтэйгээр зурж байна. Ийнхүү Улсын Үндэсний Номын сангийн өмнөх талбай тун удахгүй 3D зургаар чимэглэгдэх нь ээ.