Энэ жил Увс аймгийн өсвөрийн тамирчид улсын болон олон улсын шинж чанартай тэмцээнүүдэд амжилт гаргаж орон нутгийнхаа нэрийг өндөрт өргөсөн юм. Тухайлбал улсын даамын аварга шалгаруулах тэмцээнээс алт, мөнгө , хүрэл медаль хүртэж багийн дүнгээрээ 3-р байранд орсон бол самбо, жудо, чөлөөт бөхийн төрөлд оролцсон өсвөрийн тамирчид нь өндөр амжилт гаргаж зарим нь дэлхийн аваргын тэмцээний эрхээ өвөртлөн бэлтгэлдээ гарсан билээ. Тэгвэл тус аймгийн ЗДТГ-ын зүгээс энэхүү амжилт бүтээл гаргасан тамирчид, тэдгээрийг дасгалжуулсан багш нарыг урамшуулах, цаашдын бэлтгэл сургуульд нь туслах зорилгоор нэрэмжит шагналаа гардуулжээ. Хүүхдүүд шагнал гардах үеэр Сумогийн их аварга , Монгол улсын гавьяат тамирчид Д.Дагвадорж Галдан бошигт хааны өргөөнд ирж тэдэнд амжилт хүсч, хамтдаа зураг даруулжээ.