Авлигатай тэмцэх газраас өнөөдөр сэтгүүлчдэд мэдээлэл өгч, тус газраас шалгаж байгаа төрийн өндөр албан тушаалтнуудын талаар мэдээлэл өгч байна. Тэгвэл дөнгөж сая УИХ-ын гишүүн С.Ганбаатарыг албан тушаалаа урвуулан ашигласан гэх зэрэг нэлээд хэдэн асуудлаар шалгаж эхэлсэн тухай мэдээллээ.

 Өмнө нь УИХ-ын гишүүн С.Ганбаатарыг АТГ-аас шалгаж байна гэсэн мэдээлэл гараад байсан ч тэрбээр "Нэг ч удаа АТГ-аас дуудаж байгаагүй" хэмээн үгүйсгэсэн юм. Саяхан болсон МҮЭХ-ны их хурлын дараа зарим хүн түүнийг АТГ-т шалгуулна хэмээн мэдэгдэж байсан. Тэгвэл энэ талаар АТГ-аас мэдэгдэхдээ  "МҮЭХ-ны удирдлагаас МҮЭХ-ны тээвэр үйлчилгээний төв зөвлөлийн автобазын газар дээр орон сууц барих, уг баригдсан орон сууцнаас ҮЭХ-нд ажиллагсдад тодорхой хөнгөлөлтэй нөхцлөөр орон сууцаар хангаж ажлыг зохион байгуулахдаа дэд ерөнхийлөгч Х.Амгаланбаатар нар эрх мэдэл албан тушаалаа урвуулсан гэх гомдол АТГ-т ирсэн байна. Одоогоор тэд асуудлыг хянаж үзэж байгаа" гэв.