Өөрсдөө хэрэг хийгээд зогсохгүй түүндээ эхнэрээ, хүүхдээ бүр хүүхдийнхээ найз бүсгүйг хүртэл оролцуулчихсан дээд албан тушаалтнууд цөөнгүй байна. Одоогоор эхнэр нөхөр, хүүхэд бэртэйгээ хэрэгт холбогдсоод албан тушаалтнуудын хэргийн явцыг дэлгэн харуулъя.

    ТЕГ-ын хэлтсийн даргаар ажиллаж байсан Ч.Гансүх хүүгийн хамт цагдан хоригдсон бөгөөд хэргийг шалгах явцад түүний хууль бүс үйлдлүүд нотлогдож, харин хүү Г.Ганзулыг нь тусгаарлаж шалгахаар болсон.

Тодруулбал, Татварын ерөнхий газрын хяналт шалгалтын хэлтсийн даргаар ажиллаж байсан Ч.Гансүх нарт холбогдох хэрэгт мөрдөн байцаалтын ажиллагаа явуулаад  зарим нэг үйлдлүүдийг шалгаж тогтоосныг АТГ-аас мэдэгдсэн.  Тухайлбал, Хууль бусаар хөрөнгөжсөн, мөнгө угаасан, бусдаас хээл хахууль авахыг завдсан, эрх мэдэл албан тушаалаа урвуулсан зэрэг үйлдлүүдэд яллах дүгнэлт үйлдлүүлэхээр уг хэргийг Нийслэлийн прокурорын газар шилжүүлээд байгаа.

Мөн энэ хэрэгт холбоотой шалгагдаж байгаа Ч.Гансүхийн хүү Г.Ганзулын хэргийг тусгаарлаж шалгаж эхэлсэн. Хүү Г.Ганзулын дансаар 16 тэрбум төгрөгтэй тэнцэх хэмжээний мөнгөн гүйлгээ хийгдсэн асуудлыг тусгаарлаж мөрдөн байцаалтын ажиллагааг үргэлжлүүлж байгаа аж.

    Эрүүл мэндийн сайд асан Н.Хүрэлбаатар өдгөө Цагдан хорих 461 дүгээр ангид хүргэгдсэн. Түүний хүү Х.Энхбат, хүүгийн найз бүсүй Б.Болортуяа нарыг Н.Хүрэлбаатараас ч өмөнө цагдан хорьж байцаагаад эхэлсэн.

Тодруулбал, Эрүүл мэндийн сайд асан, УИХ-ын гишүүн Н.Хүрэлбаатар мах их хэмжээний сейфтэй мөнгөний хэрэгт холбогдсон. Гэвч тэрээр хэрэг гарах үеэр гадаадруу алга болж бүр интерполоор хүртэл зарлуулах дээрээ тулсан. Гэтэл гэнэт өөрөө мэдэгдэл хийж “би энэ хэргийн талаар юу ч мэдэхгүй. Өөрийгөө интерполоор хайгдаж байгаа гэдгээ ч мэдсэнгүй. Надад юу ч мэдэгдээгүй . Би удахгүй очно” гэх тайлбарыг  өгсөн. Мөн  хэлсэн ёсоороо ч эх орондоо ирсэн. Гэхдээ түүнийг онгоцноос буунгуут нь баривчилж цагдан хорих ангируу аваачсан. Харин түүнийг ирэхээс ч өмнө хүү Х.Энхбат, түүний найз бүсгүй болох Б.Болортуяа нарыг нь баривчлан, байцаалт аваад эхэлсэн билээ. Өөрөөр хэлбэл,  Н.Хүрэлбаатар 2011 оны тавдугаар сарын дундуур Хан-Уул дүүргийн 15-р хороо буюу “Рапид харш” хотхоны 5А байрны 35 тоотоос ихээхэн хэмжээний сейфтэй мөнгөө алдсан ч энэ нь ямар учиртай мөнгө байсан талаар ямар нэгэн тайлбар хийгээгүй. Тиймээс Цагдаагийн газраас анх мөнгөө алдсан хэмээн дуудлага өгсөн түүний нууц хүү Х.Энхбатыг, найз бүсгүйнх нь хамт байцааж, цагдан хорьсон юм.

    Ё.Отгонбаяр гишүүний хэрэг бүр л ээдрээтэй болоод байгаа. Эхлээд түүний эхнэрийнг мөнгө угаах гэмт хэрэгт холбогдуулан шалгаж эхэлсэн. Гэвч төд удалгүй Ё.Отгонбаяр гишүүнийг шалгаж эхлэхэд, эхнэрийн хууль бус үйлдлүүд илэрсэн болохыг Мөрдөн байцаах газраас мэдэгдсэн.

Тодруулбал, энэ хэргийг эхлэл бол Ё.Отгонбаяр гишүүн өөрөө. Түүнийг авлига авах гэж хүн сүрдүүлсэн гэсэн мэдээллийг УМБГ-аас өгсөн. Энэ хэргийг шалгах явцад эхнэрийнх нь дансны гүйлгээнээс илэрсэн их хэмжээний мөнгө хуулийнхны анхаарлыг татсан байгаа юм. Үнэхээр Ё.Отгонбаяр авлига авах гэж оролдсон уу, эхнэр нь их хэмжээний мөнгө угаах хэрэгт нь оролцсон уу? гэсэн асуултыг тэрбээр үгүйсгэсээр байгаа. Харин хуулийнхан баттай нотолгоо байгаа гэж мэдэгдсээр байна. Улс төрд шуугиан тарьсан энэ үйл явдлын учиг тайлагдаагүй байгаа ч Ё.Отгонбаярыг хуулийнхан шалгах нь мэдээж. Түүнийг шалгаж, мэдүүлэг авах гэхээр УИХ-ын гишүүн тул бүрэн эрхэд нь халдаж болохгүй байна хэмээн хуулийнхан гомдоллож байгаа. Дээр нь Ерөнхийлөгчийн сонгуулийн үе таарч УИХ-ын чуулган түр завсарласан учир Ё.Отгонбаярын гишүүний эрхийг түдгэлзүүлэх асуудлыг хойш чангаагаад байгаа билээ. Ямартаа ч өдгөө Ё.Отгонбаяр гишүүний эхнэр батлан даалтад гарч гадуур байцаалт өгч байгаа юм.

    ТЕГ-ын хэлтсийн даргаар ажиллаж байсан Ч.Гансүхийн хамт Төсвийн орлогын хураалтын тасгийн дарга н.Энхбат гэгч нь баривчлагдсан. Энхбат нь ганцаараа баригдаагүй бөгөөд эхнэрийнхээ хамт өдгөө Цагдан хорих 461 дүгээр ангид саатуулагдаад байгаа аж.

н.Энхбатын тухайд өмнө нь Баянгол дүүргийн Татварын газрын даргаар ажиллаж байгаад мөн л мөнгө идсэн, уусан хэргээр ажлаасаа халагдсаны эцэст шүүхдэж байгаад ҮТЕГ-т ажилд орсон юм байна. Гэвч тэрбээр хашрахгүй эхнэрийнхээ дансанд 4 сая ам.доллар хадгалж байсан нь өдгөө илрээд байгаа юм. Ийн эхнэрийн хамт Цагдан хорих 461 дүгээр ангид саатуулагдсан тухай эх сурвалж мэдээллээ.