ЗГХЭГ-ын дэд дарга Г.Дэнзэнг ажлаа өгөх болсон талаар Ерөнхий сайд Н.Алтанхуяг хоёр өдрийн өмнө мэдээлсэн. Түүний албан тушаалд хэн томилогдох нь олон нийтийн дунд асуулт хэвээр үлдсэн. Тэгвэл Засгийн газрын өнөөдрийн ээлжит хуралдаанааар Г.Дэнзэнг ажлаас нь чөлөөлж, оронд нь Ерөнхийлөгчийн Тамгын газрын дэд дарга бөгөөд төсвийн ерөнхий менежер Ч.Сайнбилэгийг томилсон талаар эх сурвалж мэдээллээ.

Г.Дэнзэн төсвийн мөнгөөр өөрийн хамаатан саднуудаа Германд аялуулсан баримт дэлгэгдэж мөн Ерөнхий сайд Н.Алтанхуягийн оролцоотойгоор "Эрдэнэс Тавантолгой"-н 17 тэрбум төгрөгийн тендерийг авсан гэх мэдээлэл гараад байсан. Төрийн албан хаагчдын нэрний оронд хамаатнуудаа явуулсан түүнд ямар нэгэн арга хэмжээ авч, хуулийн байгууллагаар шалгуулахыг МАН-ын гишүүд шаардсан юм.