Yahoo UK гэх Британийн сүлжээ сайт жил бүрийн интернэт хамгийн алдартай 10 тамирчны тодруулдаг билээ.
Жагсаалтын нэгдүгээрт 2009 оны дэлхийн аварга, 2010 оны Европын аварга, 2012 оны олимпийн аварга англи бүсгүй Жессика Эннис тэргүүлдэг байна. Тэрээр долоон төрөлтөөр үндэсний дээд амжилтыг тэргүүлжээ.
Түүний уриа нь “Гүйцэх гээд үз”. Ямайкийн ойрын зайн гүйлтийн тамирчин Усэйн Болт олимпийн зургаан удаагийн, дэлхийн таван удаагийн аварга. Өнөөгийн хүчин төгөлдөр дэлхий дэд амжилтыг 100 метрт “9.58 сек Берлин 2009” 200 метрт “19.19 сек Берлин 2009” мөн 4х100 метрийн буухианд Ямайкийн багийн бүрэлдэхүүнд “36,84 сек, Лондон 2012” тус тус тогтоож байв. Эдгээр гурван амжилтыг Бээжингийн олимпийн наадамд тогтоосон мөн хоёр олимп дараалан 100, 200 метрийн зайд тэргүүлсэн дэлхийн цорын ганц хүн бол Усейн Болт юм.
Оросын нэрт тамирчин Мария Шарапова 2012 оны олимпийн тоглолтын мөнгөн медаль хавсан. Энэ бүсгүй Их дуулга тэмцээнд дөрвөн удаа түрүүлж байсан юм. Мөн уг тэмцээний шигшээ тоглолтод долоон удаа шалгарч байжээ. Тэрээр дэлхийн нэр хүнд бүхий тамирчин юм.
Британийн дугуйчин Виктория Пендлтон өнгөрсөн зуны олимпийн кейрин төрлөөр алтан медаль авч чадсан юм.
2012 оны олимпийн усан спортын 10 метрийн цамхгаас үсрэх  тэмцээний хүрэл медальт Британийн тамирчин Том Дэйли.
Болтон багийн тоглогч асан Фабрис Муамба өнгөрсөн жилийн гуравдугаар сард Английн цомын тэмцээний тоглолтоор зүрхэнд нь цус харван клиник үхэлд орж байв. Тэр өвчнөө даван гарч чадаад дараа нь гэрлэжээ.
Барселони багийн од, Аргентинийн шигшээгийн довтлогч Лионель Месси 2011, 2012 оны шилдэг хөлбөмбөгчин бөгөөд 2009 оны “Очир алмазан бөмбөг” шагналын эзэн юм.
Английн хөлбөмбөгийн багийн ахлагч асан, Лос-Анжелес Галакси багийн хагас довтлогч асан Дэвид Бекхэм. Тэрээр 2011 оны хамгийн өндөр цалин хөлстэй тоглогчоор нэрлэгдэж байлаа.
Португалийн хөлбөмбөгчин Криштиану Роналду хөл бөмбөгийн түүхэн дэх хамгийн үнэтэй тоглогч. “Манчестер Юнайтед” түүнийг 83 сая еврогоор “Реал”-д шилжүүлсэн байв. “Алтан бөмбөг” шагналыг 2008 онд авсан FIFA-ийн жилийн тоглогч цолыг дэлхийн шилдэг хөлбөмбөгчний хувьд авсан юм.