Хар тамхи худалдсан, зөөвөрлөсөн, хэрэглэсэн гэх хэрэгт буруутгагдсан Баавар энэ сарын 20-нд суллагдах юм байна.  Тэрбээр хар тамхины хэрэгт холбогдсоны дараа Цагдан хорих 461 дүгээр ангид хоригдсон ч биеийн эрүүл мэндийн байдлын улмаас батлан даалтад гараад байсан.

Гэвч тэр анхан шатны шүүх хурлын үеэр 30 минут хоцорч ирснээр түүнийг дахин цагдан хорьсон юм. Харин түүнийг хоригдож байх үед тусгаарлагдсан өрөөнд гал гарч түлэгдэн эмчлэгдэж шүүх хурлын өмнө суллагдсан билээ.

Түүнд холбогдох хэргийн анхан шатны  шүүх хурал өнгөрсөн сарын сүүлээр болсон бөгөөд түүнийг гурван сар баривчлах ял ногдуулсан юм. Гэвч бараг хоёр сар эмнэлэгт хэвтсэн түүний эмчлэгдэх хугацааг хоригдсон хугацаанд тооцуулах болсон. Тэгэхээр түүний баривчилгааны хугацаа нь энэ сарын 20-нд дуусгавар болж байгаа бөгөөд Баавар суллагдаж, эрх чөлөөтэй болох гэнэ.