Өчигдөр шөнө Баянзүрх дүүргийн 25-р хороонд Төгөл хотхоны урд талд байшин шатаж  35-50 насны таван хүн шатаж хоёр нь нас баржээ. Амьд үлдсэн гурван хүний биеийн байдал нь маш хүнд байгаа бөгөөд одоогийн байдлаар "Мөнгөн гүүр" эмнэлэгт эмчлүүлж байгаа аж.  

Уг галд 34 настай Азболд, 32 настай Бадамцэцэг, 43 настай Батболд, нас нь тодорхойгүй Билгүүн нар түлэгдэж, нэг эмэгтэй нас барсан байна. Нэр, нас нь тодорхойгүй эмэгтэй хүний цогцосыг Нийслэлийн онцгой байдлын аврах ангийнхан 103-ын эмчид хүлээлгэн өгсөн байна. Харин түлэгдэж эмнэлэгт хүргэгдсэн дөрвөн хүний нэг нь 100 хувийн түлэгдэлтэй байсан тул шархаа даалгүй нас баржээ. Үлдсэн гурван хүний хувьд 30-40 хувийн түлэгдэлтэй эмчлүүлж байгааг эмч нь хэлсэн юм. Гал гарсан шалтгааныг одоогоор тогтоохоор ажиллаж байгаа бөгөөд дээрх хүмүүс нь нэг гэр бүлийн хүмүүс биш, хамт архи ууж байгаад галд өртсөн юм байна.