Like давалгааны залуус Найрамдлын Дарханд зочилж, хоёр өдрийн турш дарханчуудтай хамт байлаа. Бүтээн байгуулалтын үлгэр жишээ болсон үйлдвэрийн хотод Like төслийн баг дарханчуудын урилгаар зочлон очсон юм.

91000 гаруй хүн амтай тус аймгийн нийт хүн амын 64,5% нь 35 хүртэлх насны  залуус. Тэд like-д нэгдлээ. Дарханчууд Like-д нэгдсэнээрээ МУ-ын ерөнхийлөгчийн санаачилгаар эхлүүлж, бодитой үр дүн үзүүлсэн онцлох таван ажлыг цаашид үргэлжлүүлэхийг дэмжиж буй хэрэг юм.

   Дарханчууд цахим орчинд LikeMongolia фэйсбүүк хуудсанд like дарахаас гадна Like-н залуусын очсон газар бүртээ авч яваа тусгай программ суулгасан iPad дээр аяны 5 уриалгаас таалагдсанаа сонгон like дарж, дэмжиж буйгаа илэрхийлж байлаа.

    Нартай, хуртай налгар сайхан өдрүүдэд зорилготой, тэмүүлэлтэй, хүсэл эрмэлзэл дүүрэн залуусын хотод зочилсондоо like-ын залуус ч сэтгэл өндөр байсан юм. Маш олон аймаг, хотуудаас like төслийн багийг зочлон ирэхийг урьж байгаа нь Монголын залуус нэг зорилгын төлөө дуу хоолойгоо нэгтгэх цаг ирснийг харуулж байна.