Та “цэвэр ган”-гаар хийсэн сав, халбага сэрээ, ахуйн зүйлс худалдан авахдаа хямд үнийг нь биш дээр нь байгаа тэмдэглэгээг харах хэрэгтэй. Учир нь хром нь хэтэрсэн ган ахуйн хэрэглэлээс хүний биед хортой боди
с илэрдэг байна. Иймд ган сав худалдан авахдаа дараах тэмдэглэгээг анзаарч харах хэрэгтэй.

Сав суулга үйлдвэрлэхэд зориулагдсан зэвэрдэггүй гангын хамгийн өргөн дэлгэрсэн марк нь 18/10 хром никель юм. 18-Хром нь бат бөх, зэвэрдэггүй чанартай болгож өгдөг. 10-Никель нь хүчлийн үйлчилгээнд тэсвэртэй байдаг тул ганг идэгдэхээс хамгаалж байдаг, мөн өнгөлөг сайхан өнгөтэй болгодог. Ийм сав суулага эрүүл ахуйн шаардлагыг илүү хангадаг, хүчил шүлтийн нөлөөнд тэсвэртэйн дээр хоолны өнгө, амтыг өөрчилдөггүй ямар ч хоргүй юм.

Ашиглах заавар 

• Бүтээгдэхүүнийг хэрэглэхээс өмнө зориулалтын шингэн савангаар угаах /Fairy/. Ямар нэгэн хүчтэй химийн бодисоор угаахгүй байх. /Comet/
• Хатуулаг усанд их хэмжээний шохой, хлор болон бусад химийн бодис байдаг бөгөөд бүтээгдэхүүн дээр сэв толбо үлдэхээс сэргийлж угаасны дараа тогтмол хуурай алчуураар арчих.
• • Бүтээгдэхүүнийг хэрэглэсний дараа шууд угаах. Угаахгүй удсаны улмаас бүтээгдэхүүн дээр үлдсэн хоолны элдэв үртэс үлдэгдэл нь хатсаны улмаас бүтээгдэхүүний өнгө будаг хууларч арилах, зэв тогтох аюултай.
  • Ялангуяа хутганы ир нь ямар нэгэн химийн бодис болон чийгтэй орчинд  амархан мохдог бөгөөд угаасны дараа хуурай болтол нь арчих нь зэврэлтээс хамгаална.
  • Алт болон мөнгөн бүрмэлтэй бүтээгдэхүүнээс бусад бүх бараа аяга таваг угаагчны хамгаалалттай.
  • Алт болон мөнгөн бүрмэлтэй бүтээгдэхүүнийг бид таньд зөвхөн гараар угаахыг зөвлөж байна. Хэдийгээр аяга таваг угаагчинд угааж болох хэдий ч тохиргоог зөвхөн эмзэг /sensitive/ бүтээгдэхүүн гэсэн дээр тааруулна.
  • Хэрвээ та аяга таваг угаагч машинд хэрэглэх гэж байгаа бол:
  • A. Аяга таваг угаагчны суулгалт болон угсралт зөв хийгдсэн байх шаардлагатай.   
  • B. Их хэмжээний аяга таваг угаагч бодис хийж болохгүй.                                            
  • C. Машинд хийхээс өмнө усанд үлдэгдэл хоолыг зайлж асгана уу.
  • D. Угаасны дараа бараа нойтон хэвээрээ байвал толбо үлдэхээс сэргийлж нэн даруй хатаахыг санал болгож байна.
  • Төмрөн болон хурц иртэй зүйлээр үрж угаахгүй байх. Бүтээгдэхүүн дээр зураас үлдэж болзошгүй.
  • Зуухны /плитка/ тойрог тогоо, хайруулын таваг, цайны данхны суурьнаас том байж болохгүй. Энэ нь бариулыг гэмтээж болзошгүйгээс гадна сав гадна талаасаа түлэгдэх аюултай. Сав тодорхой хэмжээний усгүйгээр халуун зуухан дээр үлдээж болохгүй. 
    

Гангын арчилгаа

• Үл зэврэх, гангаар хийсэн халбага, сэрээг сав угаах шингэн хийсэн бүлээн усаар угааж, халуун усаар зайлж зөөлөн даавуугаар арчина. Халуун усаар угаахад хутга иргүй болох тул бүлээн усаар угаана. Хуучин ган сэрээ, халбагыг төмс чанасан усанд 10 минут байлгаад зайлж арчина. 
• Хутга, халбага сэрээг түүхий төмсөөр арчваас сайхан өнгө орно. 
• Хутгыг халбага сэрээтэй хамт байлгавал хоорондоо хавирснаас ир нь амархан мохдог тул төмөрлөг эдлэлээс хол хадгалах хэрэгтэй. 
• Мөнгөн, ба мөнгөлсөн халбага, сэрээ, хутгыг хадгалахдаа нимгэн цаасаар жийрэглээд, бараан өнгийн зөөлөн үсэрхэг даавуунд боогоод гэрэл орохгүй шүүгээнд хийнэ.
• Хутга, сэрээ, халбаганд тогтсон зэвийг сонгиноор үрж арилгана. 
• Гал тогооны ямар ч хэрэгсэл дээр тогтсон зэвийг арилгахдаа лимоны хүчлийг усанд уусгаж арчаад 5 минутын дараа бүлээн усаар зайлж угаана. Сайн арилахгүй бол ууранд хэдэн минут байлгасны дараа хүйтэн усаар зайлж угаана.