Налайх дүүрэг Тэрэлжийн гүүрнээс хойшоо Цагаан Давааны орчим борооны улмаас үер болж зам засварын ажлаар сэтэлсэн замын орчим 2 талдаа 100 орчим машин явах боломжгүй болсон байна. Үүнийг дагуу Онцгой байдлын газрын дарга Онцгой байдлын хурандаа Н.Уламбаярт танилцуулж дүүргийн Онцгой байдлын хэлтсээс 11 алба хаагч, Газ-66, фургон автомашинтай гарахад уг газар үерийн усанд суусан авто машинуууд ихэнх нь гарсан байсан байна. Ингээд онцгойгийнхыг буцах замд зүүн аймгууд руу явдаг зам, дүүргийн хойд хэсгээр зүүн тийш дайрч өнгөрдөг 2 хэсэг замд дүүргийн замын цагдаагаас 3 алба хаагч 1 автомашин, Зам ангиас 2 ковш, 15 ажилчин, алба хаагчийн бүрэлдэхүүнтэй ажиллаж уг хэсгээр явах боломжгүй боогдсон, зарим нь шаварт суусан 144 автомашин, байсныг татаж гаргах, замын шаврыг холдуулж машинуудыг гаргасан байна.

Нийслэлийн Онцгой байдлын газрын дарга, нийслэлийн Цагдаагийн газрын даргын хамтарсан удирдамжийн дагуу Аврах ангийн Эрэн хайх шуурхай салбарын аврах  бүлэг, цагдаагийн 2 албан хаагчтай  Баянзүрх дүүргийн 20 дугаар хороо, хар усан тохойгоос Хан-Уул дүүргийн 11 дүгээр хороо, Зайсангийн гүүр хүртэл завьтай усны эргүүл хийж голын эрэг дагуу амарч байсан 158  иргэнд /65 автомашинтай/ усны ослоос урьдчилан сэргийлэх талаар сэрэмжлүүлгийг хүргэж ажиллажээ.