Өнгөрсөн хоногийн хугацаанд объектын гал түймрийн 2, гал түймрийн зөрчлийн 4, Бодис алдагдсан 1, Аврах ажиллагааны 2 дуудлага ирж нийслэлийн Онцгой байдлын газрын  Аврах анги, харъяа дүүргийн хэлтсийн Аврах, гал унтраах анги гарч шуурхай арга хэмжээ авч ажилласан байна.  Тухайлбал, Сонгинохайрхан дүүргийн 19 дүгээр хороо, 7 дугаар байр 1 дүгээр орцонд гал гарч байна гэсэн дуудлагын пагуу  Аврах, гал унтраах 26 дугаар ангийн тасаг очиход  5 дугаар давхарт хог шатаж байсныг аюулгүй болгожээ. Мөн Баянгол дүүргийн 15 дугаар хороо, 3 дугаар хороолол 23-ын А байрны 2 дугаар орцонд утаа гарч байна гэсэн дуудлагын дагуу  Аврах, гал унтраах 10 дугаар ангийн 2 дугаар тасгийг гаргахад хогийн сувагт хог шатаж байсныг унтраажээ.  Түүнчлэн Сонгинохайрхан дүүргийн 28 дугаар хороо, Ногоон чулуутын гудамжинд гэр шатаж байна гэсэн дуудлагыг дагуу Аврах, гал унтраах 29 дүгээр анги очиход 5 ханатай гэр шатаж байсныг аюулгүй болгожээ.

Улмаар Баянгол дүүргийн 8 дугаар хороо, 4 дүгээр хороолол 13 дугаар байрны 2 дугаар орцонд утаа гарч байна гэсэн дуудлагын дагуу Аврах, гал унтраах 10 дугаар ангийн 2 дугаар тасаг очиход орцонд хог шатаж байсныг аюулгүй болгожээ.