Дуучин Т.Баясгалан сүүлийн жилүүдэд хэвлэл мэдээллийн тэр тусмаа телевизийн салбарт хүч үзэх болсон. Тун дахгүй Өвөр Монголын “Одон” телевизийн суваг Монголд нээлтээ хийх гэж байна. Тэгвэл ирэх ням гарагт буюу долдугаар сарын долооны өдөр энэхүү телевизийг нээж, захирлаар нь ажиллах хүн нь дуучин Т.Баясгалан аж. Харин гүйцэтгэх захирлаар Го.Бадарч ажиллахаар болжээ.

2009 оны намар “Эх орон” телевизээ нээж, Т.Баясгалан ТУЗ-ийн даргаар нь ажиллаж байсан. Дараахан нь “Шонхор” телевизийг нээсэн. Харин өнгөрсөн сард дуучин Т.Баясгалангийн төрсөн өдрөөр нэгэн телевиз нээлтээ хийсэн нь “Шуурхай” суваг байв. Тус телевизийг нөхөр нь Т.Баясгаланд бэлэглэсэн гэх яриа ч гарсан.

Ийнхүү Т.Баясгалан дөрвөн ч телевизийн захирлын албыг хашиж үзсэн нэгэн болох нь ээ.