"Чингис хаан" гран-при тэмцээн өчигдөр Буянт-Ухаа спорт цогцолборт нээлтээ хийсэн.
Эхний өдөр манай жүдочид амжилттай барилдаж зургаан алт, дөрвөн мөнгө, найман хүрэл медаль хүртлээ.

Эрэгтэйчүүдийн 60 кг-ын жинд Г.Болдбаатар алт, Д.Амартүвшин мөнгө, Г.Хэрлэн хүрэл, 66 кг-ын жинд С.Мияарагчаа алт, Д.Төмөрхүлэг хүрэл, 73 кг-ын жинд С.Ням-Очир алт, Х.Цагаанбаатар мөнгө, эмэгтэйчүүдийн 48 кг-ын жинд М.Уранцэцэг алт, Г.Отгонцэцэг мөнгө, М.Долгоржав хүрэл, 52 кг-ын жинд А.Цолмон мөнгө, Б.Бат-Эрдэнэ, Ч.Аззаяа нар хүрэл, 57 кг-ын жинд Д.Сумъяа алт, А.Батзул, Б.Нарантуяа нар хүрэл, 63 кг-ын жинд Ц.Цэрэннадмид алт, Б.Мөнгөнчимэг хүрэл медаль тус тус хүртсэн.

Ингэснээр одоогийн байдлаар гран-при тэмцээнийг Монголын баг тамирчид тэргүүлж, БНСУ нэг алт, гурван мөнгө, хоёр хүрэл медальтайгаар удаалж, Израиль, Япон, АНЭУ, АНУ тус бүр нэг хүрэл медальтайгаар араас нэхэж явна.

Өнөөдөр үлдсэн жингийн барилдаанууд болж тэмцээн өндөрлөнө.
Энэ удаагийн тэмцээнд 18 орны 145 тамирчин хүч үзэж байгаагийн 56 нь Монголын тамирчид байгаа юм.