Монголын 10 дахь цолтой бөх, Миягино дэвжээний Рюүо Ноборү хэмээх Эрхэм-Очирын Санчирболд өнөөдөр зодог тайлсанаа зарлалаа. Маэгаширагийн 8 хүртэл дэвшиж явсан Рюүо хүзүүндээ хүнд гэмтэл авснаас хойш бэртэл нь бүрэн эдгэхгүй байсаар зодог тайлахаас өөр аргагүй болсон байна. Тодруулбал, тэрээр  2003 онд хүзүүгээ гэмтээснээс хойш гэмтэл нь эдгээгүй байна. Улмаар бэлтгэл хийхээр болгонд нь хүзүү мэдээгүй болж байгаа учир эрүүл мэндээ бодоод зодог тайлахаас өөр аргагүй болжээ. Ямартаа ч энэ сарын 22-нд ёкозүна Хакүхо, Харүмафүжи, Кёкүтэнхо, Шёотэнро, Рюүо Ноборү нар Монголд ирэх аж.