“Хадгаламж” банкны Ерөнхий нягтлан бодогчоор ажиллаж байсан Ц.Чимэдцэрэн банкинд учруулсан хохирлоо төлж дуусчээ. Тэрээр хоригдож байх хугацаандаа дөрвөн тэрбумын төгрөгийн хохирлоо барагдуулаад байсан бол үлдсэн 11 тэрбум төгрөгийн хохирлыг саяхан УИХ-аар шийдүүлэн, барагдуулж дууссан байна. Ц.Чидэмцэрэн “Хадгаламж” банкны Ерөнхий нягтлан бодогчоор ажиллаж байхдаа Засгийн газраас гаргасан бондууд тус банкинд байршиж байх үед бондийн үнийн зөрүүнд ажиллан их хэмжээний мөнгө завшсан байдаг.  Тодруулбал, төрийн өмчит “Хадгаламж” банкинд 13.8 тэрбум, хувьд очсон "Хадгаламж" банкнаас 800 сая төгрөг үрэгдүүлсэн нь нотлогдсон юм.