Энэ сарын 18-ны өдөр Монгол Улсаас БНХАУ-руу гарах чиглэлд явж байсан ачааны галт тэргэнд  6,2 кг алтыг хууль бусаар гаргахыг оролдсон хэрэг гарсан. Тэгвэл дээрхи алтыг илрүүлсэн хилчин байлдагч О.Баясгаланд  хүндэтгэл үзүүлэх арга хэмжээ өнөөдөр 10.00 цагт Хан-Уул дүүргийн Засаг даргын Тамгын газарт болох гэж байна. Хүндэтгэл үзүүлэх арга хэмжээнд Цэргийн штабын дарга хурандаа Ч.Батхүрэл тэргүүтэй албаныхан оролцох юм.

Хэргийг тодруулбал, Алтыг галт тэрэгний  далд эд ангид нуусан байсан бөгөөд  зах зээлийн ханшаар бодвол 558,000,000 төгрөг /таван зуун тавин найман сая/ болж байгаа юм. Энэ их хэмжээний алтыг авч гарах гэж байсан этгээдийг одоогоор саатуулсан байгаа бөгөөд эрүүгийн хариуцлага ноогдуулах боломжтой гэж үзэж байгаа юм.