Америкт өвөрмөц аялгуугаараа алдаршсан DJ Халед телевизийн нэвтрүүлгээр дамжуулан дуучин Ники Минажид гэрлэх санах тавьжээ. Тэрээр MTV телевизийн мэдээллийн хөтөлбөрөөр дамжуулан хөгжмийн ертөнцийг байлдан дагуулж буй Ники Минажид хайртайгаа илэрхийлж, гэрлэхийг гуйсан байна. DJ Халед өөрийнхөө саналыг чухал гэдгийг батлахын тулд 500 мянган ам.долларын үнэтэй алмазан бөгжөө ч үзүүлжээ.

Тэрээр дурлалт бүсгүйдээ зориулсан бичлэгтээ “Би MTV телевизийн байранд байна. Шударгаар хэлэхэд би чамд хайртай. Би чамайг минийх байгаасай хэмээн хүсч байна” гэжээ. Мөн “Бидэнд адилхан чанар олон бий. Бид хоёулаа амжилтын өөд өгсөж байна. Чи цаг гаргаад энэ талаар бодож үзэж магадгүй тул би гэрлэх саналаа маш чухал гэдгийг ойлгуулахыг хүссэн юм” гэсэн байна.

Дараа нь тэрээр гялалзсан бөгжөө үзүүлээд “Ники Минаж, чи надтай гэрлэх үү?” хэмээн асуужээ.

Уран бүтээлчид өнгөрсөн жил “Take It To The Head” дуун дээр хамтран ажилласан юм. Одоогоор халуухан дуучин Ники Минаж түүний саналд хариу өгөөгүй байна.