Хүнд өвчтэй бяцхан охин Б.Танангийн эмчилгээнд тус нэмэр болох үүднээс олимпийн анхны аварга Н.Түвшинбаяр, мөн жүдо бөхийн анхны дэлхийн аварга Х.Цагаанбаатар нар кимоногоо твиттер, фэйсбүүкээр дуудлага худалдаанд оруулаад байгаа билээ. Дуудлага худалдаа өнөөдөр 10.00 цагт хаах юм байна. Хоёр аварга 11.00 цагаас Спортын ордон дахь жудогийн зааланд дуудлага худалдаанд ялсан хүмүүст кимоногоо гардуулан өгч хэвлэлийнхэнтэй уулзах юм байна.