Украйн улсад төдийгүй ойролцоох хөрш орнууддаа нэрд гарсан алдарт “Казаки” хамтлаг манай улсад ирэх гэнэ. Өндөр өсгийт дээр бусгүйчүүдээс дутахааргүй бүжиглэж, олныг гайхашруулдаг залуусын Монголд ирэх болсон шалтгаан нь “New mass" клуб гэнэ. Тус клуб ирэх сарын 2-нд нээлтээ хийх бөгөөд уг арга хэмжээнд “Казаки” хамтлагийн залуус дуулж, бүжиглэх юм байна. III, IV хороололд байдаг хуучин “Масс” клубт “Мотив” хамтлагийн ахлагч Жижгээ буюу Б.Эрдэнэбаяр нэг тэрбум төгрөгийн хөрөнгө оруулалт хийсэн байна. Ингэснээр цоо шинэ өнгө төрхтэй шөнийн цэнгээний газар хотын залуусыг байлдан дагуулах нь. Уг клубын нээлтэд “Казаки” хамтлагаас гадна “Мотив”, “Татар”, “Хар сарнай”-гийн уран бүтээлчид дуулах аж.