Өвөрмонголын ”Хаяа” хамтлаг Монголд ирнэ

2013-7-31

Тувагийн дуучин Сайнхогийн гаргасан жимээр Монгол туургатны дуучин, уран бүтээлчид манай улсад цөөнгүй удаа тоглолт хийв. Сарын өмнөхөн Өвөрмонголын дуучин Цахар Тугчийн Урнаа “Тэнгэрийн шувуу” тоглолтоо хийсэн бол түүний нутаг нэгт, Өвормонголын этник хамтлаг “Хаяа" Монголд ирэх сурагтай. Сайнхо Намчылакийн тоглолтыг зохион байгуулсан “Харгислалын театр”-ынхан тус хамтлагт Монголд тоглох хүсэлт тавьж, нааштай хариу сонссон аж. Зургаан гишүүнтэй тус хамтлаг нь Өвөрмонголын төдийгүй Хятадын этник урсгалын хамгийн том төлөөллийн нэг хэдийнэ болсон бөгөөд дуунуудынхаа ихэнхийг монгол хэлээр дуулдаг юм.

24tsag.mn

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

Мөнхжарг***** (103.23.51.1)

Хувцсыг нь харахад Өвөр Монголчууд биш Хөх Нуурын Монголчууд байна шүү дээ. Хөх нуурын Монгол ч байсан, Шинжааны Монгол ч байсан Өвөр Монгол гэж андуурах юм даа. Наадмаар Монголын үндэсний олон нийтийн телевизийн хөтлөгч нэгэн залу эрдэмтэн Шинжаан - Уйгурын өөртөө Засах орноос ирсэн Торгууд хүн гэж хэлсээр байтал, мөн Гадаадын оюутан, магистрант, докторант, Монгол судлалын зуны сургалтанд оролцогчид зэрэг оролцсон Монголын үндэстний олон нийтийн телевизийн Монгол хэлний " Тунгаамад " нэвтрүүлэг дээр нэг хүүхэн Шинжаан - Уйгурын Орноос ирсэн Захчин хүн гэж хэлсээр атал " Танай Өвөр Монгол аялга, Ар Монгол аялганд хэр их ялгаа байх юм " гэж Хэл бичгийн ухааны доктор хөтлөгч залуу асуугаад байгаа юм даа. Харин нөгөөх үүхэн " Ар Монгол аялга, Өвөр монгол аялга, Шинжааны Ойрад Монгол аялга гурвын монгол хэлэний аялганд ялгаатай зүйл их байна шүү " гэж Хятадын Монголыг зөвхөн Өвөр Монголоор төсөөлдөг хүмүүсийн оюуны сүвийг нээсэн шүү.

2013 оны 07 сарын 31 | Хариулах