Байт харвааны Азийн гранпри тэмцээн амжилтгай үргэлжилж байна. Гранпри тэмцээний гурван өдрийн дараах байдлаар шигшээд үлдэх тамирчдын нэр тодорчээ. Тухайлбал, өчигдөр рекурв буюу сонгодог харвааны ангилалд өрсөлдсөн эрэгтэй болон эмэгтэй холимог баг тамирчид алтан медалийн төлөө цэц сорихоор шалгарсан байна. Харин хувийн буюу компаундын төрөлд манай баг тамирчид шигшээд өрсөлдөх эрхгүй үлджээ. Энэ төрлийн ганцаарчилсан ангилалд шигшээ багийн тамирчин Б.Мөнхөө хүрэл медалийн төлөө өрсөлдөх эрхтэй болсон бол рекурв болон компаундын урьдчилсан харваанаас шалгарсан тамирчид халз харваж шөвгийн дөрөвт өрсөлдөх эрхээ олж авсан байна. Тус ангиллын хувийн харваанд ОУХМ Б.Урантунгалаг БНСУ-ын тамирчинтай халз харваж ялагдсанаар наймдугаар байрт оржээ. Түүнтэй мөр зэрэгцэн харвасан манай тамирчин н.Гантөгс 17, С.Ган-Эрдэнэ есдүгээр байрт тус тус шалгарсан байна.
Маргааш Гранпри тэмцээний хоёр төрлийн аваргууд тодрох юм. Шигшээ тулааны салхийг эмэгтэй алтан медалийн харваагаар хагалах бол манай улсын эрэгтэй баг ОХУ-ын багтай аваргын төлөө цэц булаалдах юм.