Өнөө өглөө 09.00 цагийн орчимд Сонгинохайрхан дүүргийн нутаг дэвсгэрт 361-ийн гарам, Партизаны замд "Тоёота Ланд круйзер" маркийн автомашин онхопдож дотор нь сууж явсан таван хүний хоёр нь ослын улмаас газар дээрээ амь насаа алдаж, гурав нь хүнд гэмтэж ГССҮТ-ийн сэхээн амьдруулах төвд хүргэгджээ.
Автомашинд зорчиж явсан хүмүүсийн дунд УИХ-ын гишүүн Д.Сарангэрэлийн дүү Ш явж байсан бөгөө газар дээрээ нас барсан. Харин түүний нөхөр ГССҮТ-ийн сэхээн амьдруулах тасагт биеийн байдал нь маш хүнд байгаа хэмээн эх сурвалж мэдээллээ.