БНХАУ-ын Урчуудын эвлэлийн хорооны дарга, Дэлхийн Зураачдын Холбооны ерөнхийлөгч Лю Да Вэйгээр ахлуулсан, Хятадын нэр хүндтэй арван уран бүтээлчдийн үзэсгэлэн  энэ сарын 6-нд “Маршалл арт” галлерейд нээлтээ хийх гэж байна.

Энэхүү үзэсгэлэнг ССАЖЯ-ны сайд Ц. Оюунгэрэл болон Дүрслэх Урлагийн Бүтээл Цуглуулагчдын Үндэсний нийгэмлэгийн тэргүүн П.Цэгмид нар хамтран зохион байгуулж байгаа юм байна.

Үзэсгэлэнд оролцож буй уран бүтээлчид нь, Хятад үндэсний уран зургийн уламжлалт техникийг өөрсдийн өвөрмөц арга барилтай хослуулан өвөрмөц өнгө төрх үүсгэн Хятадын орчин үеийн үндэсний уран зургийн төлөөлөл болж байгаа гэдгээрээ онцлог аж.