Соёл спорт аялал жуулчлалын яам болон “А-Capella” энтертайнмент хамтран “Амжилтын эзэд” нэртэй танин мэдэхүй, соёл урлаг, спортын томоохон хэмжээний цэнгээнт нэвтрүүлэг зохион байгуулах гэж байна. Энэхүү нэвтрүүлгийн гол оролцогч нь мэргэжлийн сумогийн 68 дахь Их аварга Д.Дагвадорж байх юм. Спортын төрлүүдэд сурхарваа, усанд сэлэлт, гүйлт, туялзуур сэлэм, буудлага, шагай харваа, софт теннис, дугуй, зээрэнцэг шидэлт, уртын харайлт, гар бөмбөг, спорт загасчлал гэсэн төрлүүд багтаж байгаа юм байна. Их аварга Д.Дагвадорж дээрх спортын төрлүүдээр төрөл болгоны аваргууд болон мастеруудтай хүч үзэх аж. Нэвтрүүлгийн хөтлөгчөөр жүжигчин Н.Ялалт ажиллахаар болжээ.