Асбестын /Гал болон химийн бодис зэрэгт тэсвэртэй цахилгаан дамжуулдаггүй шинж чанартай эрдэс бодис бөгөөд дээрх шинж чанарыг нь ашиглан үйлдвэрт өргөн хэрэглэдэг/ сорьц цуглуулах, бэлтгэх болон шинжлэх арга зүйн сургалт 2013 оны наймдугаар сарын 7-8-ны өдрүүдэд "Нийгмийн Эрүүл мэндийн Үндэсний төв"-д болж байна. Тус сургалтаар Асбестын сорьц авах, сорьц бэлтгэх, шинжлэх арга барилыг оролцогсод заалгаж дадлага ажил хийж гүйцэтгэх юм. Энэхүү сургалтанд Эрүүл мэндийн яам, Дэлхийн Эрүүл мэндийн байгууллага, Нийгмийн Эрүүл мэндийн Үндэсний төв, Мэргэжлийн хяналтын төв лаборатори, Нийслэлийн мэргэжлийн хяналтын  төв лаборатори, Нийгмийн эрүүл мэндийн сургууль, Гаалийн  төв лаборатори, Байгаль орчны  төв лаборатори, Хөдөлмөрийн эрүүл мэндийн үндэсний төв зэрэг байгууллагын арван таван хүн оролцож байна.

Сургалтын үеэр Эрүүл мэндийн дэд сайд Ж.Амарсанаа хэлэхдээ, "Ажлын байрны агаар болон барилгын матриалаас Асбестын сорьц авах арга техникийг эзэмшиж, шинжилгээний үр дүнг үнэлж дүгнэх тал дээр сургалт явуулж буй мэргэжилтнүүдтэй хамтран ажиллавал зохимжтой юм. Мөн сургалтанд оролцож буй та бүхэн Асбестын сорьц бэлтгэх, шинжлэх арга техникийг маш сайн эзэмших хэрэгтэй байна" хэмээн ЭМЯ-аас мэдээллээ.