Монголын сайхан бүсгүйчүүдээс шилдгийн шилдгийг нь тодруулан алдаршуулдаг ‘"Мiss Моngolia” тэмцээнийг 10 дахь удаагаа зохион байгуулах гэж байна. 2004 оноос хойш уламжлал болсон уг тэмцээний ерөнхий зохион байгуулагчаар Монголын үндэсний олон нийтийн төлевиз ажиллаж байгаа юм. Тэмцээний ялагч олон улсын миссийн тэмцээнд оролцох урилга гарддаг. Тэгвэл энэ жилийн тэргүүн мисс Японы Окинаво аралд болох “Miss International 2013”, дэд мисс Эквадорын Гвиней-д болох ”Мiss World tourism”-2013, гуравдугаар байрт шалгарсан сайхан бүсгүй Солонгосын Сөүл хотноо болох  World Miss University- 2013” тэмцээнд эх орноо төлөөлөн оролцох эрхтэй болно. “Miss Mongolia 2013”-т оролцогчид олон улсын миссиин тэмцээний жишиг зургаан төрлөөр өрсөлдөнө. Үүнд, мисс модель, мисс фото, мисс авьяас, мисс бикини, мисс спорт, мисс гүүдвил /оюунлаг, ухаалаг, тусч/ гэсэн номинаци багтжээ. Энэ жилийн тэмцээнд хөдөө, орон нутгаас гоо бүсгүйчүүдийг шалгаруулж байгаагаараа онцлогтой. Монголын мисс бүсгүй ирэх сарын 11-нд тодорно. Харин оролцогчдыг энэ сарын 16-ныг хүртэл бүртгэж байгаа аж.  Бүртгэлийн хугацаа дуусах гурван хоног үлдлээ.