Монголын топ спортын төрөл болох жүдо бөхийн дэлхийн аварга шалгаруулах тэмцээн Бразилийн Рио де Жанейро хотод эхэлнэ. Уг тэмцээнд оролцох Монголын багийн бүрэлдэхүүн тодорсон бөгөөд тамирчид “Говь” амралтад сэргэлтийн бэлтгэлд гарчээ. Тэгвэл ирэх сард Унгарын Будапештийн дэвжээнд өрсөлдөх чөлөөт бөхийн тамирчид Улаанбаатарт бэлтгэл сургуулилтаа хийж байна. Харин ирэх аравдугаар сард Казахстаны Алматы хотын рингэнд дэлхийн аваргын медалийн төлөө өрсөлдөх манай боксчид Хятадын Гуанжоу хотод бэлтгэлээ хийж байгаа аж.