МУХТ нь  энэ намрын ажлын өдрүүдээ гурван жилийн өмнө ОХУ-ын Санктпетрбургийн  Театр Урлагийн  Академд илгээсэн 10 оюутнуудынхаа сурч мэдсэн зүйлийнх нь тайлангаар эхэллүүлээ. Гурван жилийн өмнө  БСШУЯам, Монгол Улсын Хүүхэлдэйн театрын захиалгаар   Монгол улс, ОХУ-ын засгийн газрын хэлэлцээр ёсоор тус сургуульд 100 хувийн тэтгэлэгээр суралцуулах оюутнуудыг  шалгаруулахаар  нийтэд зарласаны дагуу  хүүхэлдэйн театрын тайзнаа шалгаруулалт явуулан 10 хүүхдийг явуулсан нь өдгөө 4-р курст орох цаашлаад 2014 онд хүүхэлдэйн жүжигчин мэргэжлээр төгсөх бүхэл бүтэн нэг групп бэлтгэгдэн ирж, хүүхэлдэйн урлагт хувьсал хийх шинэ боловсон хүчин болж буй нь энэ юм. Манай улс Хүүхэлдэйн жүжигчин мэргэжлээр анх удаа баг буюу 10 хүн гадаадад сургаж байгаа бөгөөд өмнө нь драмын чиглэлээр хоёр удаа баг бүрэлдэхүүн сургаж байсан  нь өдгөө бидний үзэх дуртай тайз дэлгэцийн акулууд болжээ.    Мөн МУХТ нь дөрвөн жилийн өмнө хөдөө орон нутгийн хүүхэд багачууддаа хичээлийн шинэ жилийг тохиолдуулан уран бүтээлээ толилуудаг болсон бөгөөд энэ ажлыг тогтмол болгох зорилгоор энэ жил баруун алс хязгаарын аймгууд болох Баянхонгор, Ховд, Увс, Говь-Алтай, Завхан, Архангай, Өвөрхангай, очиж “Бяцхан хатагтайн хүүхэлдэйн театр” хүүхэлдэйн шоу тоглолтоо сургуулийн үзэгч хүүхдэд, “Чоно ба 7 ишиг”, “Өнхрүүш” жүжгүүдээ цэцэрлэгийн бяцхан хүүхдүүдээ үзүүлэхээр тун удахгүй  аян замдаа гарах аж.