Өвөрхангай аймгийн Хайрхандулаан Тарагт сумын дунд орших цайны газрын орчим олныг хирдхийлгэсэн аймшигт хэрэг энэ сарын 19-нд гарсан. Хэргийг сануулбал,  үе тэнгийн дөрвөн найз тарваганд явсан бөгөөд хээр гарч архи ууж, улмаар хоорондоо маргалдаж Х нь авч явсан буугаараа найз нараа буудаж, хоёрынх нь амийг хөнөөж, нэгийг нь хөнгөн шархдуулсан. Гэмт этгээд энэ хэргийг үйлдчихээд өөрийнхөө амийг егүүтгэсэн юм.

Ямартаа ч Өвөрхангай аймгийн цагдаагийн байгууллагаас ажлын хэсэг гарган энэ хэргийг шалгаж байгаа. Тэгвэл хэргийн мөрдөн байцаалтын явцын талаар ЦЕГ-ын хэвлэл мэдээлийн ажилтан, Цагдаагийн ахмад Н.Төгсбаяраас тодруулахад,  “Хэргийг энэ долоо хоногт прокурорт шилжүүлж, шалгуулна.  Амьд үлдсэн гэрчээс мэдүүлэг авч байгаа" гэв.