Өчигдөр буюу наймдугаар сарын 19-ны өдөр Булган аймгийн Булган суманд 5 настай Ө гэгч хүүхдийг төрсөн эцэг Ц нь "Тоёото" маркын машинаараа мөргөж амь насыг нь хөнөөсөн харамсалтай хэрэг гарчээ. Ц нь машиныхаа хойно зогсож байсан хүүхдээ харалгүй машинаа хөдөлгөснөөс ийм хэрэг болсон байна. Уг хэргийг Булган аймгийн цагдаагийн хэлтэс шалгаж байгаа гэж албаны эх сурвалж мэдээллээ.

   Өмнө нь мөн хоёр настай хүүхдээ анхаарал, болгоомжгүйгээс болж портер машинаар дайрч, амь насыг нь хөнөөсөн хэрэг гарч байсан. Тиймээс бага насны хүүхэддээ анхаарал тавьж, болгоомжтой байхыг ЦЕГ-аас сэрэмжлүүлж байна.