Өнгөрсөн тавдугаар сард БЗД-т амьдардаг 46 настай Н.Довжинсүрэн гэгч этгээд таван настай хүүгээ заазуурдаж хүнд гэмтээсэн хэрэг гарсан билээ.

Тэгвэл түүнд холбогдох шүүх хурал маргааш Баянзүрх дүүргийн шүүхэд болох юм байна. Цагдаагийн хэлтсээс түүнд Эрүүгийн хуулийн 181.3, 100.1-т зааснаар хэрэг үүсгэж шалгасан бөгөөд өдгөө Цагдан хорих төвд хорьж байгаа юм.

Н.Довжинсүрэн нь согтуурсан үедээ гэрийнхэндээ агсам тавьж, төрсөн хүүгээ заазуурдаж, найман сартай охиноо шидэж танхайрсан хэргийг үйлдсэн бөгөөд өмнө нь шүүхээс таван удаа ял шийтгүүлж, 10 гаруй удаа эрүүлжүүлэгдэж байжээ.