Өнөөдөр цэцэрлэгүүд шинэ хүүхдээ бүртгэж авч байгаа тул дараалал ихтэй байна. Нэг цэцэрлэгт гэхэд 50-100 хүн шөнөжин дугаарлаж байгаа юм. Сонгинохайрхан дүүргээс сонгогдсон УИХ-ын гишүүн Л.Эрдэнэчимэг энэ асуудалд анхаарлаа хандуулж байгаа бөгөөд дүүргийнхээ цэцэрлэгүүдээр шөнөжин явж нөхцөл байдалтай танилцжээ. Тэрбээр УИХ дахь эмэгтэй гишүүдийн бүлэгт багтдагийн хувьд хүүхдийн сургууль, цэцэрлэгийн асуудалд голдуу анхаардаг. Өнгөрсөн чуулганаар тамхины татварыг нэмж, үүнээс олсон мөнгийг цэцэрлэгийн хүүхдийн хоолны төсөвт оруулах хуулийн төслийг батлуулсан билээ.