ETV телевизийн урилгаар Солонгосын алдарт Т-Аra, Davichi зэрэг К-pop одууд Монголд ирж тоглохоор болжээ. Энэ тоглолтын талаар өнөөдөр тоглолтыг зохион байгуулагчид мэдээлэл хийлээ.

Тоглолт ирэх 9 дүгээр сарын 21-ны өдрийн 17.00 цагт Төв цэнгэлдэх хүрээлэнд ганцхан удаа болох юм. Энэ тоглолтын тасалбар  35, 50, 150 мянган төгрөгийн үнэтэй бөгөөд ирэх есдүгээр сарын 1-нээс худалдаанд гарч эхлэх юм. Мөн тасалбар нь өндөр нууцлалтай хэвлэгдсэн байна. Тэр нь тасалбарыг тусгай гэрлээр  харахад гурван хэсэгт Еtv гэсэн лого харагдана. 

“Т-Аra”, "Davichi" зэрэг хамтлагууд нь зүүн азид нэр хүндтэй адил түвшний хамтлагууд бөгөөд манай улсын хүүхэд залуусын  сонсох дуртай хамтлагуудын нэг юм. "Davichi" хамтлаг уянгын дуугаараа олонд алдаршсан  хоёр гишүүнтэй охидын хамтлаг бол Т-Ara хамтлаг анх 2009 онд таван гишүүнтэйгээр байгуулагдаж байжээ. Одоогоор T-Ara хамтлаг зургаан гишүүнтэй.

Дашрамд дуулгахад Т-Аra хамтлаг энэ удаагийн аялан тоглолтоороо манай улсын говьд зураг авалт хийх хүсэлтэй байгаа гэнэ.