Өнөөдөр 11.30 цагаас залууст хандаж үйл ажиллагаагаа явуулдаг байгууллагууд хамтран зохион байгуулж буй “Democrazy carnival”-ийн талаар мэдээлэл хийнэ. Хэвлэлийн бага хурал Монгол Ньюс мэдээллийн төвд болно. Дээрх карнавал ирэх есдүгээр сарын 7-нд Б.Явуулхулангийн нэрэмжит талбайд зохион байгуулагдах юм. ДемоКрэйзи карнавалын тухай:
Тус карнавал хүний эрх, эрх чөлөө, жендэрийн тэгш эрх, бодит ардчилал, нийгмийн шударга ёс, хүмүүнлэг нийгмийн үзэл санаа, үндсэн зарчим, үнэт зүйлсийг эрхэмлэдэг залуусын өөрсөддөө болон олон нийтэд зориулсан маш сонирхолтой, хөгжилтэй, бүтээлч арга хэмжээ бөгөөд ардчилалд хайртай залуусын баяр юм.
Онцлог:-Залуусын өөрсдийн санаачлагад тулгуурладаг,
-Дахин давтагдашгүй өнгө аястай
-Хувцаслалт, нүүр будалт зэрэг нь өнгөлөг, цоглог
-Тогтсон хэв маягт баригддаггүй, хайрцаглагддаггүй
-Сонирхолтой, хөгжилтэй, шинэлэг, бүтээлч аргаар үзэл санаагаа түгээдэг
-Эерэг, өөдрөг, хүчирхийллийн бус аргаар өөрсдийгөө илэрхийлдэг
-Намчирхдаггүй, хараат бус орон зай
-Нээлттэй, сонирхсон хүн бүрт хүртээмжтэй, олныг хамарсан зохион байгуулагддаг юм.
Хамтран зохион байгуулагчид:
-ЛГБТ төв
-Монголын тэргэнцэртэй иргэдийн үндэсний холбоо
-МУИС –ийн Хууль зүйн сургуулийн эрдэм шинжилгээ, илтгэлийн “Энтимема” клуб
-Бүх нийт боловсролын төлөө! иргэний нийгмийн үндэсний эвсэл
-Хөөрхөн зүрхнүүдийн аян
-Хүчирхийллийн эсрэг үндэсний төв
-Хүүхэд хүүхэд төлөө ТББ
-Залуус эрүүл мэнд төв
-“ГҮНЖ” төвийн дэргэдэх “Залуу эхчүүдийн клуб”
-Анима дүрслэх урлагийн сургууль
Дэмжигчид: МОНФЕМНЕТ үндэсний сүлжээ, НҮБ-ийн Хөгжлийн хөтөлбөр
