“Нарантуул” олон улсын худалдааны төвийн хүнсний зах энэ сарын 23-нд бүрэн шатаж 53 настай О гэгч эмэгтэй амиа алдаж 300 гаруй түрээслэгч хохирсон. Уг гал түймрийн хэрэгтэй холбогдуулан Баянзүрх дүүргийн Цагдаагийн хэлтсийн Эрүүгийн тасагт  УИХ-ын гишүүн асан Ш.Сайхансамбуугийн эхнэр Г.Оюунсогоод Эрүүгийн хуулийн 138.2 дэх хэсэгт зааснаар эрүүгийн хэрэг үүсгэн шалгаж эхэлсэн талаар эх сурвалж мэдээллээ.  Түүнчлэн  Г.Оюунсогоогоос гадна гал түймэр гарсан өдөр тус захад  жижүүрт гарсан нэг манаач, хоёр цахилгаанчинд Эрүүгийн хуулийн 153.2 дэхь хэсэгт зааснаар буюу бусдын эд хөрөнгөд болгоомжгүйгээр хохирол учруулсан гэх зүйл ангиар сэжигтнээр татсан  бол мөн тус захын менежер, зохион байгуулагчийг сэжигтнээр татан шалгаж байна.