Сүүлийн жилүүдэд нэг өдөрт л гэхэд дөрөв, таваараа амиа хорлох явдал гарч, олныг цочирдуулаад байна. Тухайлбал, өнгөрсөн Баасан гарагт дөрвөн хүн амиа хорложээ. Орхон аймгийн Баян-Өндөр суманд хоёр хүн амиа егүүтгэсэн бол Баянхонгор аймгийн Өлзийт суманд нэг, Дорноговь аймгийн Сайншанд суманд нэг хүн нас баржээ. Насны хувьд 21-45 настай эрэгтэй хүмүүс аж.  Хэдхэн сарын өмнө мөн нэг өдрийн дотор дөрвөн хүн өөрийгөө боомилж нас барж байсан юм.