2013 оны зургаадугаар сарын 23-нд Баянзүрх дүүргийн хоёрдугаар хорооны орчмоос 366 ширхэг нойтон мод хууль бусаар тээвэрлэсэн хэрэг гарчээ. Тэгвэл хэргийн буруутныг илрүүлсэн юм байна. Тодруулбал, хууль бус мод бэлтгэсэн эл хэргийг иргэн Ганширээ гэгч үйлдсэн нь тогтоогджээ. Мөн Булган аймгийн Бүрэгхангай сумын "Хос хас" компанийн талбайд зөвшөөрөлгүй олборлолт явуулж байсан компанийг тогтоожээ. Энэхүү зөвшөөрөлгүй олборлолт хийсэн компани бол "Есэн эрдэнийн хишиг" гэдэг компани аж. Түүнчлэн Дархан-Уул аймгийн Шарын гол сумын "Алтан хөндий" компанийн талбайд зөвшөөрөлгүй олборлолт явуулж байсан "Ки Ви Пи" компани болон 2013 онд  "Хан Сун зам" зам засварын компани Баянгол дүүргийн зургаадугаар бичил хороололд зам тавихдаа "Далан давхар"-ын хойд энгэрт зохих зөвшөөрөлгүй хайрга олборлосон нь тогтоогджээ. Эдгээр нөхөн илрүүлсэн хэргүүдийг УМБГ-ын Байгаль хамгаалах журмын эсрэг гэмт хэрэг мөрдөх хэлтсийн ажилчид илрүүлэн шалгаж байна.