Дэлхийд болон монголд алдартай харьцуулшгүй хоёр эрхэм Монголын ард түмний итгэл хүлээлгэж, олон улсын шүлсээ гоожуулж буй Оюу толгойн төслийг хамтран хөдөлгөхөөр болсон талаар барууны хэвлэлүүд мэдээлж байна.

Дэлхийд болон монголд алдартай харьцуулшгүй хоёр эрхэм Монголын ард түмний итгэл хүлээлгэж, олон улсын шүлсээ гоожуулж буй Оюу толгойн төслийг хамтран хөдөлгөхөөр болсон талаар барууны хэвлэлүүд мэдээлж байна.

Эх сурвалжийн бичсэнээр Монголын Засгийн газар Оюу толгойн төслийг шийдвэрлэх ажлын хэсэг байгуулж байгаа аж. Сонирхолтой нь Монголын хувь заяаг шийдвэрлэх энэхүү чухал ажлын хэсгийг Засгийн газрын хэрэг эрхлэх газрын дэд дарга асан Г.Дэнзэн удирдах юм байна. Бүр сонирхолтой нь эрхэм Тони Блейр ажлын хэсэгт зөвлөхөөр болжээ.

Тони Блейр тун удахгүй монголд нууц айлчлал хийж, хэд хэдэн асуудлаар зөвлөх аж. Мэдээж Оюу толгой төслийн үндсэн асуудлуудыг хэрхэн шийдвэрлэхийг энэ эрхэм айлчлалынхаа хүрээнд зөвлөх юм байна. Тэгэхээр Оюу толгойн асуудлыг шийдвэрлэх ажлын хэсгийг байгуулах ажил нэлээд эрт эхэлсэн бөгөөд одоо дуусах шатандаа орсон гэж хардаж болохоор байгаа юм.

Н.Алтанхуягийн Засгийн газар одоогоор эл асуудлаар албан ёсны мэдээлэл хийгээгүй байна. Гэсэн хэдий ч гар нийлэн ажиллана хэмээн мэдээлэгдэж буй хоёр хүний тухай харьцуулалт хийе.

Тони Блейр гэж хэн бэ? Тэрээр Их Британи, Умард Ирландын Нэгдсэн Вант Улсын экс Ерөнхий сайдаар ажиллаж байсан улс төрийн томоохон хүчин. Г.Дэнзэнг төрөхөөс дөрвөн жилийн өмнө буюу 1983 онд Их Британийн Доод танхимд парламентын гишүүнээр сонгогдсоноор улс төрийн карьераа эхлүүлжээ. Өдгөө 60 настай Тони Блейр ядуу буурай орнуудад зөвлөгөө өгдөгөөрөө алдартай.

Ноён Тони Блейр өнгөрсөн зургаадугаар сард Монголын Засгийн газарт сайн засаглал байгуулахад зөвлөх гэрээг эрх баригчидтай хийсэн тухай мэдээлж байсан. Гэхдээ тухайн үед Засгийн газар Оюу толгойн асуудалд зөвлөнө гэх гадныхны мэдээллийг няцааж байсан юм.

Дэлхийн хамгийн өндөр үнэлэмжтэй төрийн зүтгэлтнүүдийн нэг бослон тэрээр Засгийн газарт зөвлөгөө өгөх нэрийн дор өөрийн бизнесээ явуулдаг туршлагатай. Бүр ядуу буурай орнуудад зөвлөгөө өгдөг Тони Блейрийн байгууллага гэж бий. Тэрээр Албани, Казахстан, Кувейт, Колумб, Бразил улстай ижил гэрээг байгуулж байсан юм. Үүнийхээ төлөө Тони Блейр Казахстанаас жилд 16 саяас багагүй фунт стерлинг авч байсан бол Бразил улс түүнд жилд дөрвөн сая фунт стерлинг төлдөг байсан аж.

Тони Блейр манай Засгийн газарт зөвлөгөө өгөх гэрээ буюу хамтын ажиллагаанаас хэр их мөнгө авах болсноо хэлэхгүй нь мэдээж юм. Гэхдээ энэ тоо дэндүү олон сая доллар гэж хардаж байна.

Г.Дэнзэн гэж хэн бэ? Нялх хэмээн хочлогдсон Г.Дэнзэн Засгийн газрын хэрэг эрхлэх газрын дэд даргаар ажиллаж байв. Ингэж хочлогдсоны учир нь тэрээр дөнгөж 26 настай, улс төрийн салбарт туршлага өчүүхэн нэгэн. Өнгөрсөн хавар Ерөнхий сайд Н.Алтанхуягийг огцруулах шаардлага тавих үед Г.Дэнзэн гэгч “Эрдэнэс Тавантолгой” компаниас зарласан тендерт ялсан Ерөнхий сайдын дүүгийнх нь охин Г.Уянгын нөхөр болох нь мэдэгдсэн юм.  Тэрээр Засгийн газрын Хэрэг эрхлэх газрын дэд даргын алба хашихын зэрэгцээ “Эрдэнэс Тавантолгой” компанийн ТУЗ-ийн даргаар ажилладаг байсан юм.

Г.Дэнзэн МУИС-ийг хэрэглээний математикч мэргэжлээр төгссөн. “Долоон жилийн өмнө Ерөнхий сайд хамтарч ажиллах санал тавьс¬ны дагуу УИХ дахь АН-ын зөв-лөлд ирж уул уурхай тухайл¬бал, Оюутолгойн төсөл, төрийн албан хаагчдын цалинг нэмэг¬дүү¬лэх чиглэлээр судалгаа хийх, тооцоолон бодох чиглэ¬лээр ажиллаж эхэлсэн” хэмээн өөрөө мэдэгджээ. Тэгэхээр Г.Дэнзэн 19 настай байхдаа Н.Алтанхуягаас хамтран ажиллах санал авсан байгаа юм. Улмаар АН сонгуульд ялснаар Засгийн газрын хэрэг эрхлэх газрын дэд дарга болж, хэдэн сарын өмнөх шуугианы улмаас ажлаа өгсөн билээ.

Ийнхүү насны хувьд ч, туршлагын хувьд ч газар тэнгэр хоёр шиг зөрүүтэй хоёр хүн Оюу толгойг хөдөлгөхөөр болоод байна. Тони Блейр манай улсад зүгээр нэг зөвлөгөө өгөөд өнгөрөхгүй нь олйгомжтой. Манай улсын Засгийн газарт зөвлөгөө өгөнгөө Оюу толгойн асуудлыг өөрийн бизнест ашиглах нь түүний цаад зорилго хэмээн барууны хэвлэлүүд бичиж байсан. Харин ийм аргаар дэлхийд нөлөөгөө тогтоосон туршлагатай эрхмийн савраас Оюу толгойг хамгаалах хүн нь Г.Дэнзэн болчихоод байна. Хардахаа болиод сайнаар харъя гэсэн ч тэдний харилцаа захирах, захирагдах байхаас хамтран ажиллах шугам дээр байх боломжгүй юм.

Засгийн газар Оюу толгойн ажлын хэсэг байгуулсан эсэх, Г.Дэнзэн удирдах эсэх талаар удахгүй мэдээлнэ хэмээн санаа зовон хүлээх хүн олон байна.