УИХ-ын гишүүн У.Нямдорж, Х.Баттулга нарын хооронд үүссэн маргаан олон шатны шүүх дамжиж, удаан сунжирсны эцэст Ц.Нямдоржийг уучлалт гуйх ёстой гэсэн шийдвэр гараад байсан. УИХ-ын гишүүн Ц.Нямдорж Хууль зүйн сайдаар ажиллаж байхдаа Х.Баттулгыг солонгосчуудтай төмөр замын нууц гэрээ байгуулсан хэмээн мэдэгдсэн юм. Үүнийг нь Х.Баттулга эрс няцааж, нэр төрөө сэргээлгэхээр шүүхэд хандсан. Чингэлтэй дүүргийн анхан болон дунд шатны шүүхээс Х.Баттулгаас уучлалт гуйх ёстой гэсэн шийдвэр гаргасан ч хууль зүйн сайд асан ямар нэгэн үйлдэл хийгээгүй өдийг хүрсэн юм. Тэгвэл Ц.Нямдорж гишүүн Нийслэлийн шүүхийн шийдвэрийг эсэргүүцэн Дээд шүүхэд хандсан байна. Өөрөөр хэлбэл Х.Баттулга төмөр замын нууц гэрээ хийсэн гэдэг нь үнэн гэж мэдэгдсээр байна.

УИХ-ын гишүүн Ц.Нямдоржийн энэ гомдлыг энэ сарын 12-нд буюу ирэх долоо хоногийн пүрэв гарагт хэлэлцэхээр болжээ.