Монгол эрэгтэйчүүд, эмэгтэйчүүд, хүүхдүүд Хятад, Малайз, Сингапурт хүчээр хөдөлмөр эрхэлсэн, биеийг үнэлүүлсэн тохиолдол гарсаар байдаг. Мөн охид, эмэгтэйчүүдийг Макао, Гонконг болон Өмнөд Солонгост хүчээр биеийг нь үнэлүүлсэн байгаа.

Массажны газруудад охид, эмэгтэйчүүдийг хүчээр биеийг нь үнэлүүлж байсан ба зочид буудал, караоке клубууд, уурхай дээр охидын биеийг үнэлүүлэх асуудал эмзэг хэвээр байна. Залуу охидыг гадаадын циркүүдэд уран нугараачаар ажиллуулах зорилгоор явуулдаг нь тэдгээр охид албадан хөдөлмөрийн золиос болох эрсдэлтэй байгаа юм. Хамгийн сүүлд л гэхэд охидыг уран нугаруулна гээд Солонгос аваачиж ширээний үйлчлэгч хийлгэсэн гашуун түүх бий. Тэгвэл тэдгээр охидын зардлыг Монголоос явуулж авчирна гэж байсан. Энэ талаар ЦЕГ-ын хэвлэл мэдээллийн албаны дарга Т.Сайнжаргалаас тодруулахад " Тэд нар уран нугаралтын гэрээтэй оччихоод ширээний үйлчлэгч хийлгэж, янз янзын байдлаар ажиллуулж байсан юм билээ. Тэгээд Элчин сайдын яамнаас тэдний энэ ажлыг нь таслан зогсоогоод, ажиллаж байсан газраас нь цалин мөнгийг нь авч өгсөн.
 
-Одоо тэр дөрвөн охин Монголдоо ирчихсэн байгаа юу?
-Үгүй. Тэд бидний визний хугацаа 11-дүгээр сард дуусна. Тийм болохоор эндээ үлдэж, өөр ажил төрөл хийж мөнгө олчихоод буцна. Тэгэхгүй бол энд ирээд хийсэн ч ажилгүй, олсон ч мөнгөгүй байна гэдгээ хэлээд үлдсэн байна билээ.

Тэд нарын хоёрыг нь уг нь зардал мөнгийг нь даагаад нутаг буцаах гээд бүгдийг нь бэлдчихсэн байтал үлдэнэ гэсэн хоёр охидоо дагаад үлдэж ажиллана гэсэн хариу хэлсэн юм билээ. Эндээс зуучилж аваачиж, хил гаргаад ширээний үйлчлэгч хийлгэж байсан А гэгч этгээдийг энд зохион байгуулалттай гэмт хэрэг мөрдөн байцаах хэлтэст шалгаж байгаа" гэв.