Өчигдөр нийслэлийн Онцгофй байдлын газарт объектын гал түймрийн 2, гал түймрийн зөрчлийн 1 дуудлага ирж дүүргүүдийн Онцгой байдлын хэлтсийн Аврах, гал унтраах ангиуд шуурхай арга хэмжээ авч ажиллажээ.  Тухайлбал, Чингэлтэй дүүргийн 12 дугаар хороо, Булгийн гудамжинд байшин шатаж байна гэсэн дуудлагаар Аврах, гал унтраах 10 дугаар ангийн 1 дүгээр тасгийг гаргахад 9х4 метрийн хэмжээтэй байшингийн дээвэр таазны хэсэг шатаж байсныг унтраажээ. Мөн Баянзүрх дүүргийн 12 дугаар хороо, Зүүн Жанжины гудамжинд гэр шатаж байна гэсэн дуудлагаар Аврах, гал унтраах 63 дугаар ангийн тасгийг гаргахад 4 ханатай гэр шатаж нурсан байсныг  унтраажээ. Уг галд 3 настай эмэгтэй хүүхэд өртөж нас барсан байсныг дүүргийн цагдаагийн бүрэлдэхүүнд шилжүүлэн өгчээ. Тухайн гэр шатахад хаалга гаднаасаа цоожтой байсан ба эцэг, эхчүүд нь хүүхдээ гэр нь цоожлоод явсан байжээ.  Иргэд гэр орон сууцныхаа галын аюулгүй байдлыг шалган, аюлгүй байдлыг хангаж хүүхдээ харгалзах хүнгүйгээр гэрт нь үлдээхгүй байхыг  анхааруулж байна.