Нэг гэр бүлийн зургаан хүнийг өс хонзонгийн улмаас гэртээ нь шатаасан онц ноцтой хэргийн давж заалдах шатны шүүх хурал өчигдөр Нийслэлийн шүүхийн Эрүүгийн танхимд болж өндөрлөлөө. Шүүх бүрэлдэхүүн хэргийг хэлэлцээд анхан шатны шүүхээс гаргасан шийдвэрийг хэвээр үлдээжээ. Уг аймшигт хэрэг үйлдсэн Л.Наранбаатарт холбогдох хэргийг шүүх хурал Чингэлтэй дүүргийн шүүхэд өнгөрсөн зургадугаар сард болж  25 жил чанга дэглэмтэй хорих ангид ял эдлүүлэхээр шийдвэрлэсэн билээ.

Хэргийг сануулбал,  Чингэлтэй дүүргийн XII хороо,  Хайлаастын эцсийн буудлын ойролцоо амьдардаг иргэн Г-ийнхийг хүргэн болох Л.Наранбаатар нь өш хонзон санаж тэднийхийг шатаасан. Улмаар уг гал түймэрт зургаан хүний амь нас эрсдсэн юм.