“Blue” хамтлагийнхан өчигдөр оройн 17.00 цагт Монголд ирэх байсан боловч цаг агаарын байдлаас шалтгаалж нислэг саатсан тул 22.00 цагт  “Чингис хаан”  олон улсын нисэх буудалд буусан билээ. Тэднийг цэцэг барьсан Монгол охид, үнэнч фенүүд нь угтаж авсан ч нэгэн ичмээр явдал болсон байна. Хамтлагийн нэг гишүүн хүлээлгийн танхим руу ирэх замдаа гар утсаа хулгайд алдсан нь зохион байгуулагчдыг багагүй сандаргасан гэнэ.

Тэд өнөөдөр Төв цэнгэлдэх хүрээлэнд Монголын залууст хит дуунуудаас бүрдсэн шилдэг тоглолтоо хүргэхээр төлөвлөөд байна.